07 March, 2009

زواج على الطريقة الغربية


قبل فترة ليست بالطويلة، كنتُ أناقش صديقتي موضوع الارتباط، قلتُ لها ليت نظام الارتباط عندنا كما هو عند الغرب !

تعرف الفتاة الشاب وتعيش معه حتى إذا تأكدا أنّ كلا منهما يوافق الآخر، ويريده في مشوار حياته توّجا قصتهما بالزواج .. فعندنا لا تعرف الفتاة شيئا عمن سترتبط به، وحتى فترات الخطوبة لا توضح الكثير، تكون معظمها تمثيل وتجميل وطلاء لما سيهدم عاجلا- طبعا يعتمد الأمر على صراحة كلا الطرفين- لكنّ الحقيقة تبقى غامضة حتى يغلق عليهما باب واحد، ظاهره الرحمة وباطنه الجحيم .. ولا أدلّ على كلامي من حالات الطلاق والخيانات الزوجية والطلاق العاطفي والخرس الزوجي والهجر .. إلخ !
وكلها نتاج الفجاءة أو الفجاعة التي تحصل للطرفين أو أحدهما حين يرى ما لا يطيق فيمن يفترض أن يشاركه النوم واليقظة !


ولأنّ كلامي نظريًا فحسب، قلت لها فكرتي التي لم أجرؤ على البوح بها طبعًا لأي أحد، في مجتمع يجرّم لقاء طبيعيًا لأجل العمل أو الزمالة أو يثير الأقاويل على أقل تصرّف من المرأة أو الرجل لابدّ وأن يركل فكرتي بكل ما أوتي من قوّة لأنها تسدّ عليه باب النميمة أو تغلق باب فتنة يحبّ أن يظلّ مواربًا .. ! وتحكّم في النساء حتى آخر رمق !

فكرتي ببساطة كانت محاكاة للنموذج الغربي، ولا أريد أحد المتعصبين ليرميني بالكفر وبالجري خلف الغرب الفاجر، لأن ذلك الغرب الفاجر يذكرني تمامًا بالأيام المجيدة الغابرة للدولة الإسلامية، حين كانت تحوي العلماء وتنفق على الجامعات والتعليم والأبحاث قدر ما تفعل، ولم يكن ذلك يمنع وجود الفسق والمجون - وما أكثرهما في الدول العربية الآن بلا علم ولا تعليم ولا فكر ولا تقدم- .. وكلّ امرئ له عقل ليختار طريقة حياته..

كنتُ أقول لصديقتي، ما فيها لو أن الشابين أخبرا أهلهما، وتزوجا لفظيًا، أي بدون مأذون أو عقد زواج، فتكون أركان الزواج مكتملة، على أن يبقى كلّ منهما في بيت أهله، لكنهما يمارسان حياتهما كزوجين، يأتي لها في منزلها وتذهب له في منزله - كما يحدث فعليًا في الغرب !- ولا يتم عقد القران رسميًا عند المأذون إلا بعد أن يجدا أنّهما متفقان، ويقررا أنهما يفعلان الصواب ..

على أن - طبعًا - يمتنعا عن الإنجاب طيلة المدة خاصّة أنهما لايملكان سكنًا مستقلا.. سألتني صديقتي عدة أسئلة وقتها ولم أعرف كيف أرد عليها .. قالت أن الزواج بصورته الحالية يتم التلاعب به فكيف بما أقول !! الكثير من الحقوق ستهدر..
هل سيصرف عليها أبوها أم زوجها، في مجتمعنا مازال الرجال تلقمهم أمهاتهم الطعام في أفواههم كيف يتحملون مسؤولية أنثى نفسيًا أو ماديًا؟ أبوها سيأمرها بشيء وزوجها سيأمرها بعكسه، أو أي هراء آخر سيتم بإتقان وبإبداع عربي بحت لتكون الأنثى هي الضحية في النهاية..



اليوم وبالمصادفة وأنا أتجول في الشبكة وجدتُ هذا المقال( زواج فريند)، وبه إجابات لما سألتني عليه صديقتي وأكثر، فوجئتُ بمن فكّر هكذا، ولا أنكر أنني سعدتُ بوجود أمثال هؤلاء وسعدتُ أنني توصلتُ لهذه الفكرة قبل أن أقرأ عنها وإن كانت تشبهها ولا تطابقها..

لم أجرؤ أبدًا إلى الآن أن أصرّح بها لأحد من الكبار أو من شباب جيلي، لكني أريد أن أقرأ آراءكم، بعد أن تقرؤوا المقال



13 comments:

هانى زينهم said...

طبعا الموضوع شائك جدا . بس بداية صدقينى ما فيش احسم من صورة الجواز بوضعه الحالى لانه زى ما ربنا قال . وفى النهاية الجواز قسمة ونصيب . مين اللى قال انك لما تعرفى حد وتعاشريه تبقى عرفتيه بجد ؟ احيانا الواحدة بتعاشر واحد 30 سنة وتحلف بحياته وبعدين تكتشف انه تاجر مخدرات مثلا او متجوز عليها 3 !! الفكرة ان ما فيش احسن من الارتباط على سنة الله ورسوله بعيد عن التقاليع اللى ممكن الانسياق وراها يودى الست والراجل فى داهية سوا .

77Math. said...

محدش يقدر يقول إن اللي في المقال مش شريعة ربنا أو مش على سنة الله ورسوله !!

المشكلة إن الكيفية مختلفة إنما الأركان واحدة، صح ولا إيه؟

هانى زينهم said...

الجواز كيفيته واركانه حاجة واحدة ومش الحل ان البنت تعيش مع الولد تحت اى مسمى وبعدين ان اتوفقوا يتجوزوا وان لا يبقى لا . الموضوع ملخبط اصلا محتاج اراء علماء لو دورنا على الشرع الصحيح . انما من تجربة الحياة انا لو هاعيش مع واحدة يومين من غير جواز عمرى ما هتجوزها . وانا ده مش هانى انا ده كل راجل عربى .

77Math. said...

أؤكد لك أنك لم تقرأ مقالي جيدًا، ولا المقال المشار إليه في مقالي !

أنا لم أقل أبدًا ولم يقل كاتب المقال الآخر "يعيش مع واحدة يومين من غير جواز"


تحياتي :)

Shimaa Gamal said...

Well, I have always wanted that sort of relation. And I am so happy that you will be taking the heat instead of me ;)

I heard of that "friend marriage" a couple of years ago. One of my aunts was saying that she believes that these must be the end of days as she over heard a show in TV. discussing this brand new form of marriage.

I wasn't that astonished because the satellite channels tended to bring up different names for marriage and call them new forms.

Marriage is marriage. It is an agreement regulating certain rights and obligations. It is a legal organization of families.
It is important because families are the building units of the community so without marriage we won't be having families and therefore there will be no community.

Taking that out of marriage is like taking the heart off a body.

The bf/ bf model works because it is not the only form of relationships between men and women.
Before the get to the stage of the bf/ gf they go through dating.
Some dates end up with sexual encounters and still this isn't count as a commitment.
It is only a commitment when things go steady and definitions are put.
So, their system work because they go through different levels of exposure and other options before trying things up for marriage.

So, assuming that we can apply the stage of legalizing the bf/ gf relation how would we get to legalize the exposure state. The dating phase will still be seen wrong. The more you date the stickier the labels people will call you.
If we managed to legalize the testing period I can assure you from now that men will test 4 women ever 3 months. And we will see the case of a serial polygamist :) Because we will be giving our men the right to have sex within an experimental non obligating legal relation.

Such a form of marriage can work for a Muslim in an open Western community because there they can date and get enough exposure before getting to that experimental phase when intimacy becomes an issue.

But for people living in our community where marriage is taken lightly as it is. I don't think it will be a good idea to make marriage more lighter. I believe accepting the concept of dating will be a good start.
Then we will have to find a way to release sexual tension.
And when we get to the point where dates are not a crime and sex isn't an obsession, then marriage won't be taken lightly and we won't be facing the problems we are facing now.

هانى زينهم said...

لا والله انا قريته كويس جدا انا فاهم انك ما قصدتيش ده طبعا العفو انا اقصد الافتراض الجدلى اللى انتى اتكلمتى عنه وهو الجواز وكل واحد يعيش مع اهله وبعدين لما يطمنوا لبعض يروحوا للمأذون انا فاهم بس انا قصدى ان جزء من اقدام الراجل على الجواز الرسمى والمأذون هو الغموض والترقب لشخصية الزوجة انما لما ده يحصل قبل المأذون مش هيبقى فى دافع ليه . يا ريت تكون وجهة نظرى وضحت .

77Math. said...

جبتِ من الآخر يا شيماء .. أوافقك على كل كلمة .. سيؤخذ الأمر بمنتهى الاستهتار، ولأن المجتمع حاليا لا يحتمل تطبيق هذه الفكرة بأبعادها، وأعتقد أنها لا تنفع سوى مسلموا دول الغرب .. لأن مفهوم الـ
dating
هناك يحمل معنى الزواج تمامًا بكل التزاماته،

لكن كلامك واقعي جدًا ومنطقي، سيجرب الرجل 4 نساء ليس في 3 أشهر، وحياتك في نفس الفترة بحجة اختيار الزوجة المناسبة، لا أريد تخيل الأسوأ ..


تحياتي

77Math. said...

هاني


تعرف إنك بكلامك دا فكرتني بنصيحة من شخصية عزيزة عليّ، متزوجة .. واسأل مجرب ولا تسأل طبيب

بجد ححكي عنها بعدين .. مفيش فايدة في الرجالة أبدًا ..

غطيني يامّة .. وصوّتي :(

بتفكرني - مع احترامي- بس بجد بتخيل إنه يعني زي الطفل الفرحان باللعبة وهي مغلفة، وأول ما يفتحها ويعرف هي إيه ويتقن تفاصيلها خلاص يكسرها أو يرميها ويجيب غيرها، عشان كدا المفروض الست العربية تبقى غامضة دائمًا .. حتى لا يقتلها شهريار بسيفه في الصباح !


أؤمن بالتجديد والتغيير والمفاجآت، بين الأصدقاء فضلا عن الأزواج، لكنني أبدًا لا أؤمن بالغموض بين الزوجين

مع احترامي للرجال، لكنني لا أحترم هذه النقطة ..

تثير غيظي بشدّة

كما أنني أريد أن أسألك، كدا كدا بعد الزواج حيعرف شخصيتها، يطلقها بقى ولا يتزوج اللي بعدها؟

أنا مش فاهمة بجد ..


تحياتي

Shimaa Gamal said...

أنا ليا تعليق على هانى ، أولاً الزواج المقترح فى المقالة من الزواج فى المركز الإسلامى دون تقيد الزواج بالسجلات الرسمية هو زواج شرعى 100% لإن أركان الزواج لا يوجد فيها شرط المأذون . جواب و قبول و إشهار بحضور الولى . علشان كده الحديث الشريف واضح ، ثلاثة جدهن جد و هزلهن جد . الزواج و الطلاق و العتق .
و الزواج حتى الغير مقيد يترتب عليه الإلتزامات و لكن لإن الطرف اللى هايخلع دائمًا بينكر الجواز فبيحط الطرف التانى فى مشكلة و ممكن تضيع الحقوق .

أما عن إن الراجل بيحب الغموض و موضوع الجواز الغير مقيد ممكن يؤدى لإنه يفقد إنبهاره بمراته ، فللأسف الراجل هايوصل لنفس النتيجة حتى لو كان الجواز بالطريقة المعروفة .

ده إسمه
emotional immaturity
مشكلة موجودة مش بس عند الرجالة و لكن موجودة فى الستات كمان .
و حلها إن نظرة الرجل و المرأة لبعض تتغير و إن الأخر مش هو الكوكب الغير مكتشف و لا فكرة الصراع مين أهم من مين و لا فكرة إن الجواز سنة الحياة زى الموت . الكل لازم يتجوز

الجواز ربنا سبحانه و تعالى وصفه بالميثاق الغليظ و للأسف إحنا بنسطح الميثاق الغليظ ده و نخليه شقة و شبكة و مهر و صينى و فضية و فرح و بوفيه .. إلخ

لما الناس تفكر فى الجواز على إنه قرار مصيرى مش مجرد روتين ساعتها الغموض مش هايكون العامل الفارق .

هانى زينهم said...

بصى انا اتغظت وبما انى اتغظت فانا عايز اوضح حاجة مهمة . اولا ربنا سبحانه وتعالى فرق بين الراجل وبين الست " وليس الذكر كالانثى " يعنى المنطق اللى بيحكم تفكير الست مش هو المنطق اللى بيحكم تفكير الراجل .الست بطبعها ولازم تبقى كدة ميالة للاستقرار والهدوء والوضوح عشان دى صفات تعمر بيها البيوت ولو مش فيها بيوت كتير هتتخرب . الراجل بقى تركيبته " شئنا ام ابينا " مختلفة كتير . انا عارف انها حاجة تغيظ انما الغيظ ده مش هيغير الواقع اللى بيقول ان الراجل جواه دايما غريزة التغيير والبحث عن الجديد وكل واحد حسب امكانياته . فى رجالة ممكن تتجوز تانى وفى ناس تصاحب وفى ناس تعمل علاقات . وقليل اوى اللى هتلاقيه راضى وقانع ومش بيفكر الا فى العشا والمسلسل بتاع الساعة 7 . اكيد الزواج ميثاق غليظ بس ربنا اللى قال كدة قال ان ان التعدد حلال كمان . وانا مش من انصاره بس لان طبيعة الراجل مختلفة فالتشريع كمان مختلف . عشان كدة انا متفق مع شيماء فى ان نوع الزواج مش هيفرق كتير فى انبهار الراجل من عدمه كدة كدة الانبهار هيختفى بس اللى بيفضل بقى العشرة والعيال والمودة . انما صدقينى عمرك ما هتسألى راجل متجوز من 3 سنين " بالكتير اوى " ان كان عايز يتجوز تانى الا وهيقولك يا رييييت بس فين ؟؟ ومش شرط يكون راجل بصباص او مراته تاعباه . احيانا بتبقة الرغبة فى التغيير فى حد ذاته هدف . هى وجهة نظر يمكن تبان سخيفة بس هى الحقيقة ومن غير استشهادات اكيد انتى عارفة نماذج بتأكد كلامى ده . عمرى ما علقت كتير كدة بس الموضوع شيق تحياتى ليكى .

77Math. said...

تصدق بالله حتى الستات بيحبوا التغيير وصابرات عشان العيال بس؟ أو لأنه لا خيار آخر لديهن؟

أتحدث بالتأكيد بلا تعميم وسأعتبر أن كلامك كذلك ..

أنا لست رافضة لموضوع التعدد في حد ذاته، لكنني أرفضه للأسباب التي تذكرها أنت بالتحديد، لأن الشرع لم يحلل التعدد للرجل حتى "يغيّر" أو لأنه "يملّ سريعًا" بينما النساء يفضلن الاستقرار!


لماذا تكثر خيانات الزوجات أيضًا؟ خيانات الزوجات ليست إلا دليلا على أن الزوجات أيضًا يردن التغيير ولا يجدن أزواجًا قنوعين.. مهلا، أنا لا أحلل الخيانة هنا ..

أنا أقول كوني من جنس النساء أنهن أيضًا يكرهن الرتابة ويشعرن بالملل والذي هو شعور إنساني، وليس هناك ملل ذكوري يدفعه للرغبة في أنثى أخرى وملل نسائي لكنه يدفعها على الأكثر لتغيير تسريحة شعرها !


قرأتُ من قبل مقالا رجاليا يؤيد كلامك عن رغبة الرجال في الزواج من أكثر من واحدة رغبة في التغيير وحسب- أكثرهم من الخليج-، وأؤمن أن الرجل يستطيع أن يوازن جسديًا وماديًا بين أكثر من امرأة، لكنه لن يحب أكثر من واحدة، ودليلي هو حب الرسول لعائشة أكثر من بقية نسائه ودعاؤه لله ألا يلومه فيما لا يملك، لأن قلبه ليس ملكًا له ..


لكن في زماننا هذا الذي لا ينضج فيه الرجال، لا أؤمن أن الرجل يستطيع أن يحتوي امرأة واحدة لأنه حتى لا يعرف نفسه ..

وبلا تعميم أيضًا..



وهنا تفسير الآية

السنونو said...

يوجد جملة فى المقال المنشور جميلة أوى أن الحل ده شرعى لكنه محتاج يتوظف اجتماعياً
ودى تحتها مليون خط أحمر لأن فترة حضانتنا سواء شباب أو شابات طويلة جداً تنتهى بالانتقال لبيت الزوجية وهى لا تنتهى أيضاً
الرجل بالذات بيتلكك على أى حد يدلعه اتعود على كده لم يتعود أن يتحمل مسئولية عن شئ حتى يتخذ قرار كهذاالشكل
الزواج عندنا للأسف قرار عائلى وليس فردى الجميع يبدى رأيه حتى الجيران والأصدقاء وشهادة من الحى بحسن السير والسلوك
علشان نقدر ننفذ الحل ده واللى أنا فعلا بتمناه محتاجين إعادة تربية وإعادة تأهيل نظرة المرأة للرجل وظرة الرجل للمرأة ونظرتهما معا للزواج والعلاقات المشتركة
تحياتى أنك فتحتى الموضوع

77Math. said...

أوافقك تمامًا