26 October, 2008

هات مرارتك نفقعها لك

الإسلام القياسي

عن الرسائل التي لابد من إعادة إرسالها .. والصور التي تزلزل قلوب أعتى الكَفَرة
!!

وليت الأمر يتوقف عند هذا الحد ..

1. أحيانا بيكتبوا عناوين للرسائل تكون في حدّ ذاتها استخفاف بمحتوى الرسالة وعامل جذب فقط، لسة من شوية وصلتني من النوعية دي اسمها: "بنات بس" وبفتحها قلت أشوف حاجة حلوة بقى ! صعقت بجد

الخط كبيييييير، لا تنسيق ولا ترتيب ولا أي حاجة خالص !! وكلها أيْمَان مغلّظة و حسابات وعدّ وحاجات لا تدل على حُسْن ذوق من أيّ اتجاه!

2. في أول الرسائل تجد قسمًا مغلظًا لا يقوم به من يتزوجون ويطلّقون ويكتبون العقود الطويلة الأمد !! وفي نهاياتها عمليات رياضية سخيفة .. أيمسكون دفاتر الحسنات والسيئات عِوضًا عن المَلَكيْن؟

والله حبعت الرسالة لكل اللي عندي وانت حلفت وانت عارف اللي بيكذب بيروح النار وحاجات ابتدائي بجد مش بيعملوها

وفي موضة دلوقت تلاقي في نهاية الرسالة : ابعتها مرة واحدة بس !!

3. كله كوم وعندما يكون المحتوى عبارة عن أحاديث مكذذوووووووبة .. أحاديث قمّة في التخلّف، ولا يصح تسميتها أحاديث أصلا، لأنها "تخاريف" مكذوبة ومنسوبة للرسول عليه السلام


4. كلما كانت نسبة "الرعب" في الرسالة أكثر، كلما زادت شعبيتها، وكلما زادت الشعارات وعناوين الرسائل التي تنافس الجرائد الصفراء في عناوينها كلّما انتشرت أكثر !!

ختام:

ياريت كل اللي توصل له رسائل من النوعية دي يبعت رد مناسب، قبل ما يمسحها، لو يعرف أن الحديث مكذوب ياريت يوضّح ذلك

لو كلنا مسحنا الرسائل من غير توضيح، مين حينشر الصح؟

6 comments:

Al Azif said...

تقريبا دي أول مرة تقولي حاجة صح
:p

فكرة جيدة, إن شاء الله أنفذها

حملة الرسائل المضادة

لكن برضة وجب التنويه عن وجود رسائل فعلا جميلة و الواحد يحب انه ينشرها

جزاك الله خيرا

77Math. said...

al azif

يا أهلا وسهلا

حسب تعريف " الصح" عندك بقى !

واضح إن دالة الصح عندك بتاخد بارامترز محدودة جدًا :p


أيوة .. حملة الرسائل المضادة .. حاجة زي اللي انت عملتها زمان كدا .. ياريت تحطها على البلوج بتاعك كمثال ..

حقيقي .. وأنا آخد كوبي منها وأبعته رد كدليل إن التأليف أسهل حاجة في الدنيا :D

والحاجات الجميلة أكيد خارج نطاق كلامي دا..

وخيرًا جزاك الله :)

Al Azif said...

حسب تعريف الصح
:-w

انا مالحقتش اعمل حملة والله
هي رسالة واحدة

بعد البوست دة فكرت فعلا احط الرسالة المضادة دي في البلوج كمثال
و نعمل كام واحدة كمان برضة
:D

تمام
اتفقنا ان شاء الله

لو افتكرت بس
!

جزانا جميعا خير
:)

77Math. said...

تتحسد على نشاطك يا فندم :D

بانتظار تفاعلك ..

واللي ما تفكرهوش دماغه تفكره الرسائل البايخه لما توصل له :p

تحياتي

حـنــّا السكران said...

كيفك يا أستاذة

ما بعتقد انه أي رسائل مضادة أو تصحيحات أو حملات حتى لو من نوع الحملات الصليبية أو الحملة الفرنسية تنفع مع الناس دي .. طيب اسمعي .. أنا بشتغل بإحدى الدول الخليجية .. و من أول رمضان لغاية الان .. كل يوم و التاني بتجيني رسائل على السللولير ..على الشكل التالي :
اتصل بهذا الرقم و احصل على دعاء الصباح .. اتصل بهذا الرقم و اضغط رقم واحد و احصل على دعاء قبل النوم .. اكسب دعاءاً مجانيا باتصالك على هذا الرقم .. طيب الناس دي كيف بدك تعمليلها حملات و تصحيحات ؟؟
و الأنكى من ده كله .. من كم شهر للان بتجيني رسائل من دول و بلدان في أقاصي الارض و باللغة العربية .. اتصل أنا فلانة أنا مستنياك .. أنا هدى أو ندى أو سوسو و قاعدة أنا و صاحبتي بنجيب في سيرتك .. يلّلا بقى اتصل احنا زهقنا .. لا .. و أنكى رسالة وصلتني قبل كم يوم بتقول : حتى لو بطّلت تتصل بي أنا عمري ما انساك و لسه منتظرة مكالمتك ..و أرقام غريبة عجيبة عمري لا سمعت بيها و لا عمري اجريت اتصالات غريبة و لا حتى بالغلط .. و رقمي معاي من سنين ما غيّرته و اللي بيعرفوه محدودين جدا..طيب الناس دي .. من أول الدعاء اللي بفلوس لغاية سوسو اللي بفلوس كمان .. تصححيلهم ايه؟؟ و بيبعتوا الصبح و بالليل و الضهر و في كل الأوقات .. و رسائل الإيميل زي ما وصفتيها انت و أشنع .. و في نماذج بتقول لك : انت مستكتر تبعتها لواحد بس؟ انت مستكتر على نفسك حسنة وحدة .. انت مش خايف من ربك ؟ مش ناقص غير يكتبوا : انت واحد واطي و كلب لأنها مش رح تبعتها لحدا ... شيء غريب عجيب مزعج .
ـ تحياتي

77Math. said...

حنّا السكران


هو صحيح صعب نغير التفكير .. بس اهو

نحاول نعمل حاجة

أكيد اللي بيتأثر بأي حاجة دا .. ممكن يتأثر بالحرب المضادة :D

ممكن نخليها حرب عالمية مش حملات مضادة بس :D

وتصدق في نمرة كمان مصممة تسلم عليّ .. ياريت بتوصل لي منها مسجات .. لأ رنات بس ..

واحد مكسوف يعاكس ! أو بخيل جدًا !!
:D

تحياتي لك