15 October, 2008

هات مرارتك نفقعها لك

سكشن اليونكس

قالت: هو بصراحة سواء أنا كتبت الأوامر commands‏ على السبورة ونقلتوها أو اشتغلنا عملي على الأجهزة، أنا شايفة إنها مش حتفرق !

وأضافت
:
أنا كنت ناوية النهاردة أشرح سكشن كامل بس الدكتور عايز يتعبكم، قال لي خليهم يشتغلوا بإيديهم
!




لأ حتفرق يا أستاذتي، ممكن أحفظ كل الأوامر أكثر من اسمي ! وأظل أرددها كالببغاء وأنا لا أعرف أين/ كيف أنفذها على الجهاز وتكون فضيحة عندها لو اضطررت للتعامل مع الأمر ! كلامك يدل على طريقة تفكيرك ومنهجيتك في التدريس. والدكتور مش عايز يتعبنا، كل مافي الأمر أنه يريد أن يخرج طلبة بتفهم وتشتغل، طلبة مش بيفكروا زي حضرتك -مع عدم احترامي!-

4 comments:

كريم said...

حصل معايا نفس الموقف في دراستي للغة الفيجوال بيزك في الجامعة .. والنتيجة .. بعتبر نفسي مدرستش اللغة دي !! أصحاب التفكير (السبوري) ده بيفتقدوا الإحساس بالتقاعل مع الألة .. وبالتالي الموضوع لا يتعدى بالنسبالهم كلام على ورقة الإجابة في الإمتحان وألف مبروك على النجاح !! لكن عمل وإنتاجية وفكر جديد!! وتحياتي للدكتور وأكثر الله من أمثاله
تحياتي 77 Math

77Math. said...

كريم

أنا بجد لو فتحت في الموضوع ممكن يحصل لي حاجة .. أنا ماسكة نفسي أما نشوف آخرتها

ولو أنّ آخرتي حتيجي قبل آخرتها !!


شرّفتني بمرورك وتعليقك :)

TeVa said...

طيب كويس إن الدكتور عايز يتعبكم

انما نعمل ايه بقى في المعيدين اللي ياإما مش فاهمين ياإما بيستعبطوا أو بيستهبلوا أو أو

عموما هو في خلل عام

حتى لما جربنا وأجبرنا المعيد على الشغل العملي

قعد طول الترم يعلمنا ازاي نشغل اللينكس
و virtual
كمان يا حسرة قلبي


بس انا الحمد لله اتحررت من الكلام دا كله وخد قرار اني اعلم نفسي بنفسي لغاية ما ربنا يفكها عننا

هو الطريق صعب بس غالبا هيجيب نتيجة أحسن من نتيحة البغبغاء إللي واقف يعيد كلام الدكتور ومريح نفسه

معلش انا طولت على حضرتكم
بس بقى بخرج اللي في بؤي

أصل الواحد شايل وكاتم

منك لله يا محسن :D

يلا سلام

77Math. said...

teva

فعلا أفضل حلّ هو التعليم الذاتي .. أنا بقيت أتخنق من السكاشن خصوصًا لما يكون المعيد زي ما بتقول كدا ..

وزي ما أنت قلت .. الطريق صعب وبياخد وقت أطول .. بس اللي بتعرفه بجد بيفضل جوا :D

طوّل براحتك .. مازال الليل في أوّله !


تحياتي