02 November, 2008

فضفضة

جافا

أول تعاملي مع الجافا لم يَكُنْ مريحًا أبدًا .. لم أحبّها أبدًا .. حتى درسناها في الكليّة .. أسلوب الدكتور وتشجيعه لنا ربّما حببني فيها تدريجيًا ..

أو ربما مميزاتها التي لا ينكرها أحد .. ولا أستطيع أن أدحضها بمجرّد كرهي لها

ليس معنى أن لي ماضٍ سيء معها أنها غير جيّدة !

لكنني ما زلتُ لا أحب فيها طول الكود، كثرة الـ "ما قبل التعريف" إن صح التعبير والمكتبات التي يجب جلبها لبيئة العمل

أعمل على إيـ كـلـيـبس، وهو مريح تمامًا لي حتى الآن .. المشكلة فقط في توهاني في الكود

حاليًا أحاول حلّ مشكلة، قرأت ملفًا وأريد تخزين البيانات في مصفوفة لكنني لا أستطيع سوى طباعة محتوى الملف مباشرة !

شيء يغيظ أن تعجز عن الحل، لكن المضيء أن المشكلة معروفة !! ومعرفة المشكلة أول خطوات الحلّ

أرجو أن أحبّ الجافا أكثر .. وأن أتقنها أكثر .. وألا تتسبب في جفافي قبل أن أفعل !

تساؤل مريع

لماذا لا يحبّ الرجال الصراحة ؟ قالت لي إحدى النساء قبل مدّة: انت المفروض تكوني ذكية وتعرفي تاخدي منهم اللي انتِ عايزاه !!

ورددت عليها آنئذ: أنا لما أكون عايزة حاجة حقول له عايزة كذا .. مش حلفّ وأدور عشان أطلب حاجة !!

أتعجب بحق مما أرى وأسمع .. هل هم أطفال كي نلف وندور لأجل طلب ما أو شيء نريده منهم؟ أظنّ أن الأشخاص الذين تخشى ردّة فعلهم أو الذين إن طلبت منهم شيئًا صراحة لن تجد ما يسرّك لايخرج عن الاختيارات التالية:

- طفل عنيد تتحايل عليه وتخدعه

- شخص معاق ذهنيًا فتفعل ذلك شفقة عليه حتى لا تؤذيه

- شخص كبير في السنّ و\أوحاد الطبع و\أومؤذي

- أحيانًا الوالدين أو أحدهما

لا أستطيع أن أصدّق أن رجلا ناضجًا يمكن أن يكون أحدها !!

أفتوني بـعِـلْمٍ
فقد أعياني التفكير

6 comments:

ابن المليونير said...

العزيزة حماس
تبحثين عن الصراحة فى وطن التظاهر و المظاهر الكذابة
نحن كالقبور المبيضة من الخارج فهل تتوقعى ان يصرح لكى احداً بأنة منتن أو حتى يسمح لكى بالنفور من رائحة قبره ، هو يرغب فقط فى ان تمدحى و تنبهرى بهذا البياض الخارجى!!!!!!د
خلاص انتهى عصر الوضوح والصراحة نحن الان فى عصر الرياء و النفاق و المجاملات السخيفة وعلينا أن نتحمل و نبحث عن الشخصيات التى تلائم طريقة تفكيرنا و دة اكيد محتاج مجهود كبير لانهم مش كتير
ودة بقى كتاب ممكن تلاقى فية حل للتعامل مع بعض تلك الشخصيات المزعجة
http://www.4shared.com/file/
48781729/3d331257/____.html?s=1
تحياتى

77Math. said...

يكفي عنوان الكتاب كي يجعلني أنقبض منه قبل أن أقرأه

أنا لا أتعامل مع من لا أطيق .. أسأل نفسي سؤالا قبل إنهاء أي علاقة: هل يهمني هذا الشخص؟

إن كانت الإجابة بلا .. فلا أضطر للتعامل معه !

لكن هناك شيء .. أن يجعلني أحدهم أكرهه فهذا يعني أنه شخص مميز جدًا جدًا .. متفوق في الأذى ومتخصص ليجعلني أحتقره ومن ثمّ أشفق عليه أو أكرهه !

أنا بحاجة لدبلوماسية لأن ما أشعر به ينعكس تلقائيًا على ظاهري .. كما يقولون لي !


تحياتي لك

بس مين حماس دي؟

ابن المليونير said...

هههه حماس دى يبقى نطق اسم حضرتك بالعربى ولا أنا غلطان؟
و بعدين احنا أحيانا بنضطر للتعامل مع من لانطيق سواء فى نطاق العمل أو العائلة أو حتى فى الشارع
و لم اقصد التعامل مع من نكرهم لأنى لاأكره احد الا نفسى!!!! ولكن اقصد ان فى بعض الناس بيبقوا محتاجين طريقة معينه فى التعامل علشان نعرف نتواصل معاهم
تحياتى

مصطفى محمود said...

بالنسبة للجافا فانت خوفتيني منها من قبل ما أبدأ
انا اه كان طالع عيني منها في الapplet
بس لسه متعمقتش فيها عشان اتعقد منا
شكلي كده هروح اعقد صاحبي اللي اتفقت معاه اننا نعمل java study group :D

ربنا يستر بقى

بالنسبة للرجال والتعامل معهم
فدي أصلا مشكلة أزلية معتقدش إن من الحكمة إننا ندور على حل أصلا
ﻷن المسألة دي مللهاش حل

الحل هو التعايش
مش هتقدري تقنعي كل الناس بوجهة نظرك
ولو كل الناس اجتمعوا عشان يقنعوك بشئ ممكن يفشلوا برضو

الموضوع ملوش مقاييس أو طريقة مثالية للتعامل مع فلان و طريقة لعلان

دي كلها لا مؤاخذة تخاريف

بعدين اسمحيلي اختلف معاكي في موضوع انك متتعامليش مع من لا تطيقين

دي تبقى أنانية
ممكن انت مش بتطيقية بس هو محتاجك

وكمان لو بصيت حواليا و الناس اللي مش بطيقهم دماغي هتفرقع وهحتاج اعمل عمرة :D

الدنيا مش كده يا "حماس"
هههههههههه

وكمان مش انت عايزة حد يتعامل معاكي بدبلوماسية
اتعاملي بنفس المنطق مع الناس برضو
ولا ايه ؟

77Math. said...

ابن المليونير

77رياضة

أرجو أن أقرأ الكتاب يومًا ما !

teva

لأ الجافا حلوة، أوبجكت أورينتد نقي !

لأ بجد لا تخاف .. في ناس كثير مش شغالة غير بيها، ودلوقت محتاجين
J2ME , J2EE

كثير ف الشغل

شد حيلك وبالتوفيق :)

بس ازاي حد يكون محتاجني وانا مش طايقاه ؟

قعدت أفكر في مثال وفشلت :-s

الحاجة الوحيدة اللي وصلت لها حاجة بحرف الـ ح .. وملهاش علاقة بالحكومة
:(

مصطفى محمود said...

يعني يافندم أنت مش طايقاه أبدا
بس هو محتاج مساعدة منك

مثلا مثلا يعني
ليا زميل رخم جدا
وأنا مبطيقوش أبدا لأنه زي ما تقولي كده معندوش زوق

يتصل بيا في ليلة برد والدنيا شتا
أكيد ليلة الامتحان يعني
وعايز مني محاضرات وكلام من دا

مش معنى أني مش طايقة أني هرفض
لأ بالعكس رحتله واديتله اللي هو عايزه بكل ود وحب وفوقهم ابتسامه قد كده كمان

مقولكيش العلاقة اتحسنت كتير ازي
انا نفسي بدأت ارتاحله

وفكرت بعدها إني مصنفش الناس أبدا عشان متعبش :D
اتمنى يكون وصل كده :)