نفسي بجد أعمل الدنيا كلها .visible = false
وتبقى اسكندرية فاضية جداااااااااااا
وأنزل أتمشى دلوقت
من غير ما أخاف أتعاكس .. ولا أتخطف
من غير ما يكون المفروض إني ما أنزل عشان الوقت متأخر
أمشي لحد البحر .. وأقعد براحتي
من غير ما يكون المفروض كفاية كدا تعالي
وأرجع البيت أنام
بمنتهى الهدوء والسكينة
ومن غير دوشة !
ويرجع الوضع للـ default
ولا كإني عملت حاجة
5 comments:
يااااااااااه
شىء مؤلم أنه يكون نفسك قوي جدا في شىء عادي وبسيط ويمكن ممل قوي كده
شىء أنا لسه عامله من يومين
للدرجه دي شىء مؤلم أن الأنسان يكون أنثى في مصر؟
مخيف
تحياتي وأعتذاري عن التأخر في الرد على تعليقك الرقيق على مدونتي
ياااااااه !
أنت بتظهر في السنة مرة ؟
عودًا حميدًا ياسر .. :)
الشيء اللي اكتشفته مؤخرًا بقى إن شيء مؤلم أن تكون "في مصر" وبس .. مذكر مؤنث أو أي حاجة تانية !
يعني واحدة صاحبتي بتقول لي نفسها تنزل دلوقت تمشي مع من تحب .. قلت لها لوحدك ؟ طبعا انسي
ممكن لما تتخطبوا .. بس برضه أهلك حيقولوا الوقت متأخر .. دا إذا كان أهله كمان سابوه ! وصدقني مش حيتساب
ممكن لما تتزوجي بقى تنزلي معاه !
شفت البساطة والجمال ؟
كل سنة وأنت بتعمل اللي انت عايزه
:)
معلش
سامحيني على الإختفاء
يمكن اقدر أشرح في يوم من الأيام
مصر مش وحشه قوي كده
يظهر لازم نتغرب عشان نعرف قيمتها
أسمحي لي صاحبتك دي بتشتغل مين؟
أمال قطعان الحبيبه دي كلها جايه منين؟
قولي لها بلاش نخع
الحبيبه عايشه حياتها لدرجه لم أكن لأحلم بها وأنا مراهق
تحياتي
انت قلتها بنفسك يا عزيزي
قطعان حبيبة
لكن صاحبتي وأنا ومن نحب لسنا خرافًا
:D
وانت عارف آخرتهم إيه .. بجد دول نكت وبسمع كلام يموت من الضحك من الـعيال اللي مالية الشارع دي
أنا حاسة إننا من جيل آخر أصلا !!
تحياتي
مشكله ان الحياه لا تعطينا الذي نريده ولكن ما نستحقه
نستحق حريه
Post a Comment