15 September, 2009

لماذا تتزوج الفتيات

أنهيتُ الدراسة الجامعية وكلّي أمل في مستقبل نظيف بلا التزام امتحاناتي سخيف، لأجد أن الحياة ليست أجمل بعد التخرّج، أبدًا

لم أجد عملا بعد، حزنت كثيرًا بسبب تأجيل الدراسة !

جاء في بالي تحليلا منطقيًا مباشرًا للسؤال عنوان البوست

هكذا إذن. تتزوج الفتيات غالبًا بعد التخرج مباشرة، لأنهن لا يجدن شيئًا يفعلنه !

فتختار أن تسّلي نفسها برَجُل/مغفّـل* طيلة فترة الخِطبة، حتى إذا تزوجت واكتشفت أنها لا تفهمه ولن، وأنه لا يفهم سوى جسدها فقط، ولا شيء آخر بينهما.. تعد نفسها بالمتعة الكبرى عندما تصبح أمًا.. وهكذا تنشغل تسعة أشهر بآلامها وطبيبتها النسائية ومشاوير شراء الملابس الميني ميني لأجل الطفل القادم، والذي سيكون لعبتها لمدة لا بأس بها حتى يأتي ميعاد جلب لعبة جديدة..
الزوج غير مهمّ، فهو لم يكن يومًا سوى تسلية مرحلة ما قبل الإنجاب. فليذهب للجحيم، ليأخذ من الجسد ما يريد، طالما يتركها تذهب فورًا إلى لُعَبَهَا المفضّلة ولا يجبرها على البقاء بين ذراعيه طيلة الليل ! وهكذا دواليك


* هو يكون بدءًا رجلا ثم يصبح مغفّلا عندما لا يكتشف اللعبة
!

12 comments:

بتنفس حريه said...

وفى بعضهم الملل مش هو السبب الوحيد
حقيقى انا عرفت بنات كتير اتجوزه لسبب اسوأ وهو مجرد الهروب من بيوتهم ..يعنى البنت تتجوز اى حد بمعنى اى حد بدافع الهروب من الاب او الام و يمكن الاخوه..
فى رأى مجتمعنا اصبحت فكره الزواج فيه مشوه..والراجل بيتجوز بس علشان يعف نفسه"احتياج جسدى بحت" يااما نوع من الشكل الاجتماعى

وقليل هو القائم على احتياج الطرفين لان يكونوا مع بعض ينجيوا اطفال مش علشان الناس بتعمل كده
بس علشان هما محتاجين الرابط ده محتاجين الاسره

مياسي said...

تحليل منطقي جدا جدا

نسيتي تحكي انو كمان في بنات بتتزوج لغرض تلاقي حد يصرف عليها وغيرهم عشان تهرب من الحياة في بيت اهلها

حاو التصميم الجديد وما تزعلي عشان الشغل؛ مسألة وقت مش اكتر ان شالله

هوندا said...

لا حول ولا قوة إلا بالله يابنتى الى يشوف تدوينات الحب الى بتكتبيها ويشوف المقال ده يقول انك واحدة تانية
عايزة تقنعينى ياإيمى إنك لو جالك عريس دلوقتى مكمل ليكى وممكن يدفعك لقدام هترفضى؟؟

وان البنت تتجوز بعد التخرج نعمة اكيد انتى بثقافتك عارفة ان البنت ليها احتياج عاطفى وجسمانى وان الزوج بيكمله ليها زى ما هى بتكمله له
مش كده ولا ايه؟

كون انها نسيت مستقبلها بعد الزواج ده عيب منها هيا لأنها لم تخطط له جيداً قبل تخرجها لأن أغلب البنات للأسف بيتهمو بالدراسة بطريقة تخليهم لا يفقهون أى شىء بعد التخرج

عن نفسى احمد الله أنى تزوجت بعد التخرج وزواجى لم يؤثر على طموحاتى وقبل اسبوع من الزواج كنت اعمل فى مشروع فرى لانس

وبعد الزواج كنت أنهيه وانتهى وقبضت مقابل جيد جداً والآن أشارك فى بعض المشروعات الأخرى وزوجى يساعدنى وهو الى بيجيبلى الشغل كمان تخيلى

وبيعملنى مهارات وهو الى بيدفعنى للتعليم إذا حس منى بكسل

تخيلى انه هو الى جابلى لاب توب بعد يومين زواج

ها تفتكرى لسه ان الرجل مغفل ولا يجرى إلا وراء شهوته؟؟

كل دى حجج على فكرة وأغليها ناشىء عن فراغ عاطفى , انا ياما كونت نظريات زى دى بس كنت لا أجهر بها لأنى عارفه انها غلط

أنتى سيدة قرارك

فتاه من الصعيد said...

يعني انا كده بلاش اتجوز .... اصلي لاقيت شغل اول ما خلصت دراسه :D

عاجبني التحليل المنطقي ده :)

Anonymous said...

حددت الزواج في جسد وإنجاب
رغم إن الطرفين يستمتعان بجسد الآخر
أما الإنجاب فالغالبية تؤجله بسبب ظروف المعيشة ف البلد
أحد معارفي كان يكره أن ينجب لكن حين عايش متعة أن يعلم نجله وينقل له خبرات ومعارف تربوية غير نظرته
فكري أن تكون لك ابنة تسألك ببراءة وتغرسين أنت فيها ما تشأين من قيم

أخيرا الجسد الآخر ليس عيبا الاستمتاع به فهذا تركيب بيولوجي شئنا أم أبينا وكما أنهم يشتاقون لأثداءنا وأجسادنا فإنهن يعشقن أجسادهم واستسلامهم

77Math. said...

حرية

أيوة قليل جدًا اللي فعلا عايز يرتبط لأسباب "بلهاء" كما يطلق عليهم المجتمع، مثل الحب والتفاهم وهذه الأشياء
:D



مياسي

وحشتيني :)





هوندا

بصي يا بنتي، الحب حاجة، والجواز حاجة تانية خالص، لو حصل ووّفقتِ لأن تتزوجي الشخص الذي تحبين، فدي حاجة حلوة جدًا، وعليكِ أن تحافظي عليها بما أوتيتِ من قوّة.. سؤالك مش في محله لأني أرفض جواز الصالونات، أو التلزيق لأسباب كثير مش دا مكان مناقشتها..

أرجو أن تكون قصتك ناجحة دائمًا كي تمنع عنا السواد الذي يحدث في كل القصص التي نعرفها وتثبتي لنا أنّ
لازال هناك أمل

كونك إنسانة واعية مش معنى إن كل البنات كدا، وأكيد لا إنت ولا زوجك من اللي بتكلم عليهم إذن :)



فتاة

هئ.. آر يو كيدينج مي ؟
عقبال ما ألاقي شغل أنا كمان:D





مجهول

مش أنا اللي حددت، الناس هي اللي بتحدد كدا، في واحدة أعرفها لا بتحب خطيبها وبرضه مش عايزة تفسخ الخطوبة عشان عايزاه هو اللي يفسخها عشان تاخد الشبكة !

أنا اللي حددت؟
المجتمع اللي بيخلي البنت بتدور على واحد ناخد فلوسه، وهو يدور على واحدة خدامة

وخلصت القصة

أنا لا أتحدث أبدًا عن الأجساد هنا وأنها عيب، هذا من الأشياء الأخرى التي نشأنا عليها وسببت عقدة بكِبَر جبل أحد في نفوس الشباب والفتيات على حد سواء..



شكرًا لكم جميعًا

هوندا said...

أنا مقصدش جواز صالونات لأنى مبحبوش اصلا ورافضه مبدئه

انا كنت بتكلم بشكل عام

انك ممكن تقابلى شخص يتقدملك وتحبيه اكيد فى اللحظة دى هتقبلى

ومش شرط ان الحب يكون من أول نظرة بس الفكرة انك تحسى ان فى أمل تحبيه يعنى تكونى متقبله صفاته وصدقينى ربنا بيبعت لكل واحدة المناسب ليها

وفى ناس فعلا مينسبهاش غير الصالونات

77Math. said...

أنا مش رافضة مبدأ الزواج يا بنتي،
أنتِ بتكلميني كإني عاملة إضراب وبقول والله العظيم أنا من سكة والرجالة من سكة،
وأنتِ بتصالحي ما بيننا :D:D


أوعدك حتعرفي لو حصل لي حاجة زي دي :)

هانى زينهم said...

انتى ظالمة الرجالة والله يا ايمان !!والله العظيم والله العظيم والله العظيم فى رجالة بتتجوز عشان ترضى ربنا وتعمل بيت وتجيب عيلين يقولوا لا اله الا الله . من غير كل اللف والدوران ده . كون الست " من وجهة نظرك " بتستغفله فيبقى اجره على ربنا وحسابها هى على ربنا انها قبلت تعمل فى راجل كدة . هى الدنيا حصل فيها ايه ؟! بقى اللى يتجوز دلوقتى مغفل ؟! التعميم مش مطلوب يا ايمان والا هازعل منك بجد . انا باقولك اهو !!

77Math. said...

هاني

أنا أكيد مش بعمم يا فندم وإلا معنى كدا إني من البنات دول !!

أكيد مش قصدي اللي انت قلت عليهم، واضح إني بتكلم عن فئة محددة بس، اللي غير كدا أكيد مش داخلين في كلامي
:)

Miso soup said...

يمكن علشان الانثي مخلوق انتهازي بطبعه؟

هوندا said...

اعملك ايه مانتى البوست بتاعك بيشع كراهية وحقد

:D

بعد كده ابقى حاولى توضحى انك بتخصصى مش بتعممى لأن البوست عام جدا